Kryetari i Partisë Demokratike, Sali Berisha ka denoncuar aksionin e policisë së Kukësit, ku sipas tij kanë mbetur të plagosur dy persona, një klandestin dhe jë qytetar shqiptar.
“Në këtë akt kriminal mbetet i plagosur shtetasi sirian Muhamet Harbi dhe shtetasi shqiptar Klevis Gjoni”, shkruan Berisha.
Denoncimi i kreut të PD-së, Sali Berisha:
“Policia hap zjarr mbi refugjatët në Qytetin e Kukësit.
Me breshëritë e saj përgjak qytetin.
Ajo fsheh krimin e saj!
Në këtë akt kriminal mbetet i plagosur shtetasi sirian Muhamet Harbi dhe shtetasi shqiptar Klevis Gjoni.
Policia fsheh krimin e shëmtuar.
Dënoj me ashpërsinë më të madhe këtë akt kriminal shtetëror përdorimin e armëve ndaj refugjatëve të pambrojtur, plagosjen e shtetasit sirian dhe shtetasit shqiptar si një krim i mirëfilltë shtetëror.
Dënoj fshehjen e krimit të rëndë nga autoritetet policore përgjegjëse për aktin e shëmtuar.
Ju bëj thirrje OKB, organizatave tjera për të drejtat e refugjatëve të dënojnë me forcën më të madhe këtë krim dhe fshehjen e tij.
I bëj thirrje Avokatit të Popullit të nisë menjëherë hetimet dhe të zbardhe plotësisht aktin kriminal të policisë së Edi Ramës.”
