Një aksident ka ndodhur pak më para në aksin rrugor “Gjirokastër-Tepelenë”.
Policia njofton se janë përplasur automjeti tip “Benz”, me drejtues shtetasin G. M., 25 vjeç, dhe automjeti tip “Ford”, me drejtuese shtetasen J. B., 35 vjeçe.
“Rreth orës 10:05, në aksin rrugor “Gjirokastër-Tepelenë”, në vendin e quajtur “Virua”, janë përplasur automjeti tip “Benz”, me drejtues shtetasin G. M., 25 vjeç, banues në Memaliaj, dhe automjeti tip “Ford”, me drejtuese shtetasen J. B., 35 vjeçe, banuese në Përmet”, njofton policia.
Për pasojë, kanë mbetur të dëmtuar të 2 drejtuesit e automjeteve, të cilët janë transportuar në Spitalin Rajonal Gjirokastër.
Në vendngjarje ndodhet grupi hetimor, i cili po punon për zbardhjen e shkaqeve të aksidentit.
