Granit Xhaka ka bërë një tjetër postim në llogarinë e tij në rrjetin social “Instagram”. Në fitoren jashtëzakonisht të rëndësishme 3-2 të Zvicrës ndaj Serbisë, mesfushori nga Kosova ishte pre i provokimeve të vazhdueshme.
30-vjeçari reagoi edhe në fushë me një gjest, që nuk kaloi pa u komentuar. Megjithatë, Xhaka duket se nuk është i fokusuar te komentet rreth tij.
“Ata që përqendrohen më mirë janë relativisht imun ndaj turbulencave emocionale”, shkroi mesfushori i Arsenalit. Ai përdori edhe fjalinë me “hashtag”: “#writeyourstory” (shkruani historinë tuaj).
