Një 22-vjeçar shqiptar është plagosur teksa punonte pasi i ka shpërthyer një granatë në dorë.
Ngjarja ka ndodhur ditën e djeshme (e Enjte) në Torino. I riu shqiptar ishte duke punuar në një ndërtesë që po rikonstruktohej.
Mësohet se i riu po punonte me një lopatë duke larguar disa mbetje nga kopshti i ndërtesës. Granta raportohet të ketë qenë e Luftës së Dytë Botërore, e cila u aktivizua dhe shpërtheu.
I riu shqiptar u dërgua menjëherë në spital dhe ka marrë dëmtime në këmbë. Ai ndodhet jashtë rrezikut për jetën.
