Lehtësimi i masave anti-Covid nuk e kanë ndalur furinë e protestave popullore në Kinë. Këto filmime tregojnë protestat e orëve të fundit në qytetin perëndimor të Guanzhusë, ku si rrallë herë protestuesit sulmojnë dhunshëm policinë, pamje të zakonshme për vendet perëndimore, por jo për Kinën e udhëhequr nga Partia Komuniste.
Megjithatë, në qytete më të mëdha si Pekini e Shangai, prania e lartë e policisë, barrierat në sheshet kryesore dhe arrestimet e protestuesve gjatë manifestimeve të ditëve të fundit, duket se ia kanë dalë të frenojnë valën e protestave.
Gjithsesi, mediat perëndimore shkruajnë se kinezët nuk po i durojnë më masat e ashpra të izolimit kundër koronavirusit, që në pjesën tjetër të globit nuk po aplikohen më.
Në manifestimet e fundit janë hedhur edhe parulla kundër presidentit Xi Jinping, e madje është kërkuar edhe dorëheqja e tij si promotori kryesor i këtyre masave.
