Dorëheqja e shefit të SHISH, Visho Ajazi Lika, ka ardhur në një moment kur ai gëzonte mbështetjen e Presidentit, Ilir Meta për institucionin që drejtonte që prej 10 gushtit 2012.
Një burim ekskluziv i tha Panorama sot se një javë më parë kreu i shtetit i kishte dhënë garanci shefit të SHISH për të vijuar detyrën.
Pas kësaj garancie që ka marrë Visho Ajazi Lika, analisti Lorenc Vangjeli, ish këshilltar i Ilir Metës si kryetar Kuvendit, deklaroi të enjten në Opinion se shefi i SHISH do të qëndronte në detyrë.
Por nga e premtja deri sot duket se ka ndodhur diçka e rëndësishme që ka shtyrë Visho Ajazi Likën të japë dorëheqjen.
Sipas ligjit të SHISH, drejtuesi i këtij institucioni nuk ka mandat të kufizuar. Ai zgjidhet me propozim nga kryeministri dhe dekretim nga Presidenti.
