Personi në foto është 39-vjeçari Vladimir (Valmir) Kola, autori i vrasjes së Briken Sanajt te Kodra e Diellit në Tiranë, më 30 Tetor.
Kola, sipas hetimeve, është ndihmuar edhe nga dy shtetas kosovarë Gjelosh Krasniqi dhe Kened Antoni. Sipas policisë, Gjelosh Krasniqi, 49 vjeç, akuzohet “Përkrahja e autorit të krimit”, ndërsa Kened Antoni 25 vjeç akuzohet për “Moskallëzim krimi”.
Kened Antoni i ka shitur automjetin e markës Mercedes Benz Gjelosh Krasniqi me date 24.10.2022 dhe po në këtë datë këta shtetas e kanë futur automjetin në territorin e Shqipërisë dhe ia kanë vënë atë në dispozicion Vladimir (Valmir) Kolës, i cili e ka perdorur për realizimin e vrasjes së Briken Sanajt dhe më pas e ka braktisur dhe djegur në rrugën dytësore Tiranë – Durrës, sëbashku me armën e krimit.
Për autorët e dyshuar të kësaj ngjarjeje është bërë shpallja në kërkim kombëtar dhe ndërkombëtar.
Në cilësinë e provave materiale janë gjetur dhe sekuestruar 4 automjete të përdorura nga autori i dyshuar, para dhe pas ngjarjes, 10 aparate celulare, si dhe pamje filmike që i shërbejnë hetimit, njoftoi policia.
