Shqiptarët kanë festuar 110-vjetorin e pavarësisë së Shqipërisë, kudo ku ata ndodhen.
Teksa momentalisht në Tiranë po mbahen festime në sheshin Skenderbëj në nder të festës së Pavarësisë, edhe shqiptarët në Londër janë mbledhur së bashku për të festuar.
Të veshur kuqezi dhe nën tingujt e muzikës popullore shqiptare, ata kanë sfiduar edhe temperaturat e ulëta të kryeqytetit britanik dhe kanë dalë në sheshe duke kërcyer e kënduar.
Nën melodinë e patriotizmit, policia britanike është shfaqur në rrugët e bllokuar, në gatishmëri për cdo gjë.
Kujtojmë që ndërtesa më e lartë në botë, Burj Khalifa, është “veshur” e gjitha kuqezi.
Burj Khalifa, e ndërtuar në vitin 2010, herë pas here ndryshon edhe pamjen e jashtme për të përcjellë mesazhe të rëndësishme, si ky për Shqipërinë.
