Një aksident i rëndë ka ndodhur mbrëmjen e djeshme në nënkalimin e Dal Cero në Verona, Itali, ku 7 persona kanë mbetur të plagosur.
Tre makina janë përplasur kokë më kokë. Ende nuk dihet shkaku i aksidentit.
Në aksident janë përfshirë një automjet tip “Fiat Cinquecento” që drejtohej nga një shtetas shqiptar 23 vjeç, një “Renault Modus” që drejtohej nga një 25-vjeçar, si dhe një “Toyota Yaris” që drejtohej nga një 60-vjeçar.
Raportohet se 4 nga të plagosurit janë në gjendje të rëndë.
Është dashur ndërhyrja e zjarrfikësve për t’i nxjerrë të plagosurit nga automjetet.
