Jan Vertonghen nuk e ka përjetuar mirë humbjen e Belgjikës ndaj Marokut. Mbrojtësi i është kundërpërgjigjur shokut të skuadrës Kevin De Bruyne dhe la të kuptohet për problemet brenda kampit të belg.
Në një intervistë të publikuar të shtunën, një ditë para ndeshjes vendimtare të grupeve të Kupës së Botës, De Bruyne fshiu shanset e Belgjikës për sukses, pasi sipas tij skuadra e Roberto Martinez po ‘plaket’.
Ndërkohë pas humbjes 2-0 ndaj Marokut ditën e sotme, 35-vjeçari Vertonghen dukej se i referohej intervistës kontroverse të De Bruyne, teksa deklaroi se “ne ndoshta edhe sulmojmë keq sepse jemi shumë të vjetër” duke ironizuar kështu sulmuesin,
“Në fund pësuam dy gola identikë, dy herë në shtyllën e afërt. Gola që nuk duhet të pësuar kurrë. Ka aq shumë gjëra që më kalojnë në mendje tani, gjëra që nuk duhet t’i them. Nuk mendoj se kemi krijuar ndonjë shans. Ku shkoi keq?
“Ne ndoshta sulmojmë keq sepse jemi shumë të vjetër, kjo duhet të jetë me siguri. Ne kemi shumë cilësi përpara, por edhe Maroku, dhe ata dolën më mirë sot. Kjo është shumë frustruese.’
Pjesa më e madhe e bisedave para ndeshjes kishte të bënte me moshën e skuadrës së Belgjikës, shumë që besonin se skuadra aktuale kishte humbur shansin e tyre për të fituar ndonjë trofe madhor.
Dhe komentet nga ndoshta lojtari i tyre më i mirë pas betejave të tyre kundër Kanadasë vështirë se ndihmuan në lehtësimin e presionit që mund të kishte qenë mbi supet e ekipit.
“Mendoj se shansi ynë ishte viti 2018. Kemi një ekip të mirë, por po plaket.” “Ne humbëm disa lojtarë kyç. Kemi disa lojtarë të rinj të mirë që vijnë, por ata nuk janë në nivelin që ishin lojtarët e tjerë në 2018. Unë nuk e shoh Belgjikën favorite”- tha- De Bruyne në një intervistë për The Guardian një ditë më parë.
