Kryetari i PD-së Sali Berisha e quan kreun e qeverisë Edi Ramë zëdhënësin më të neveritshëm të Aleksandër Vuçicit në arenën ndërkombëtare.
“Rama është zëdhënësi më i neveritshëm, avokati më i neveritshëm në arenën ndërkombëtare të Vuçiçit”, tha Berisha në një intervistë për një media në Kosovë.
“Në çdo samit ai s’gjen një fjalë të thotë në mbështetje të Kosovës, por do marrë në mbrojtje Vuçic dhe indirekt edhe Putinin. Qëndrimi që ky mban ndaj sanksioneve ndaj Rusisë kur Serbia përfaqëson Rusinë e vogël të Ballkanit. Sot Serbia është një prapavijë problematike e Rusisë agresive”, tha Berisha.
Kreu i PD-së shprehu kundërshtinë për Ballkanin e Hapur, që e quajti projekt anti-shqiptar. Ai përgëzoi qëndrimin e Albin Kurtit kundër.
