Një aksident me vdekje ka ndodhur këtë të Premte në aksin Fier-Levan.
Viktimë ka mbetur një i moshuar, i cili është përplasur nga një automjet teksa ecte në këmbë.
“Specialistët e Sektorit të Qarkullimit Rrugor të DVP Fier bënë arrestimin e shtetasit P. L., 56 vjeç, banues në Fier, pasi rreth orës 13:30, në aksin rrugor ‘Fier-Levan’, automjeti tip ‘Toyota’ me drejtues shtetasin P.L. ka aksidentuar këmbësorin, shtetasin M. H., 92 vjeç, banues në Zhupan, i cili pas disa orësh ndërroi jetë në spitalin e Fierit”, njoftoi policia.
“Materialet do i kalojnë Prokurorisë, për veprime të mëtejshme procedurale”, shtuan të njëjtat burime.
