Ministri i Brendëshëm Bledi Çuçi e ka konsideruar punë të mirë të polivcisë, operacionin e bërë në Frakull të Fierit, që solli arrestimin e 10 personave.
Sipas Çuçit, nuk do të ketë asnjë kompromis me krimin dhe se ata që shkelin ligjin do të përgjigjen.
Deklarata
Finalizimi me sukses i operacionit për goditjen e një grupi të strukturuar kriminal në Fier, me 10 të arrestuar deri më tani dhe sekuestrimin e një sasie të konsiderueshme të dyshuar si kokainë, është një tjetër punë e kryer shumë mirë nga Policia e Shtetit. Profesionalizëm dhe integritet prej momenteve të para kur nisën hetimet dhe deri në goditjen e fundit. Asnjë kompromis me krimin dhe kujtdo që bëhet palë me të. Frontalisht përballë atyre që shkelin ligjin e mbjellin pasiguri. Përgëzime Policisë së Shtetit dhe veçanërisht efektivëve që morën pjesë në këtë operacion.
