Ata që palestrën e kanë pjesë të zakonshme të ditës e pastaj e braktisin, duhet ta dinë se kjo do të sjellë ndryshime në trupin e tyre.
“Women’s Health” shpjegon se çfarë ndodh kur e braktisim palestrën, për një kohë të shkurtër dhe për një kohë të gjatë.
Nëse nuk stërvitesh për disa ditë
Në këtë rast, trupi do të përfitojë të rimarrë veten dhe të zbusë ndonjë dhimbje në muskuj. Por nëse në ditët pa palestër ne hamë më shumë ushqim ose alkool, mund të fillojmë të ndjehemi pak të fryrë.
Nëse nuk stërvitesh për një javë
Pas një jave mungese stërvitje fibrat muskulore fillojnë të ulen në vëllim, ndërsa trupi priret të ruajë më shumë lëngje. Në përgjithësi, nëse i riktheheni stërvitjes pas një jave ju nuk do të vëreni ndonjë ndryshim të rëndësishëm nga më parë.
Nëse nuk stërvitesh për më shumë se dy javë
Format fizike janë padyshim në rënie, pas më shumë se disa jave mungese stërvitje. Mitokondria, termocentralet e qelizave, të cilat prodhojnë energjinë e nevojshme për shumë funksione qelizore, të tilla si lëvizja, transporti i substancave, të cilat janë të shumta në qelizat e veshkave apo të muskujve (ato në të cilat ka një konsum të madh të energjisë ) fillojnë të bien. Rezistenca kardiake është gjëja e parë që nis të zbehet. Ngjitja e shkallëve mund t’ju bëjë që t’i ndjeni muskujt të djegur, ose mund të ju merret fryma.
Nëse nuk stërviteni për një muaj
Shumica e arritjeve tuaja në nivel të kardios dhe rezistencës, të bërë në muajt e fundit, janë të keqmenaxhuara. Rritet masa yndyrore. Pa trajnim, madje edhe stresi rritet: Kështu mund të ndjeni vështirësi për të fjetur mirë gjatë natës.
Nëse nuk stërviteni për disa muaj
Metabolizmi juaj ndryshon. Përveçse digjni më pak kalori, ju ndoshta do të ndiheni të lodhur më shpesh dhe do të lodheni më shpejt. Zemra ndjen më vështirësi dhe mushkëritë tuaja nuk do të thithin aq shumë oksigjen sa më përpara.
Nëse nuk stërviteni për një vit
Përveç rritjes së përqindjes së yndyrës në trup, ulet vëllimi i muskujve, dëmtohet metabolizmi, ka të ngjarë të vuani nga probleme të caktuara shëndetësore si presion të lartë të gjakut, kolesterol të lartë, diabet tip 2, pagjumësi dhe depresion.
(Boldnews)
