Ish-drejtuesi i policisë, Arben Hajdamataj ka trajtuar çështjen e Joyt, vajzës nga Kenia që u dhunua dhe u hodh nga dhoma e saj duke përfunduar në gjendje kome.
Policia e ka fshehur këtë ngjarje për më shumë se 3 muaj. Ngjarja e rëndë u bë publike vetëm pas deklarimit të nënës së vajzës. Për Hajdarmataj, kjo nuk është ngjarja e vetme që policia ka fshehur, apo ka tentuar të manipulojë.
“Siç thashë, ne jemi mësuar që në shumë raste policia mundohet të fshehë ngjarje, dhe sensitive. Ka qenë një periudhë që policia e shtetit ka pasur një trend për të mos deklaruar ngjarjet. Nuk bëhet fjalët për një konflikt të çastit, por kjo është një ngjarje që është shumë sensitive për opinionin publik, pasi është e përfshirë një shtetase e huaj.
Është një ngjarje që po ishte deshifruar, do të kishte nxjerrë shumë problematike, që nga Ministria e Jashtme etj. Në këtë moment që ne po flasim jemi tek pjesa e prokurorisë e cila po heton ngjarjen. Por që në momentet e para që ka ndodhur kjo ngjarje, opinioni publik duhej të ishte informuar’, u shpreh Ish-drejtuesi i policisë, Arben Hajdamataj në SYRI TV.
