Humbja e Argjentinës në Kupën e Botës ndaj Arabisë Saudite, ka bërë bujë në të gjitha mediat dhe rrjetet sociale.
Pas përfundimit të sfidës, në rrjetet sociale kanë plasur memet e krijuara nga fansat e futbollit, ku tallen me Messin dhe Argjentinë.
Skuadra e Scalonit e nisi mirë ku në minutën e 2-të rrezikoi me Messin, por portieri kundërshtar ndali gjithçka. Në minutën e 10-të ishte Messi i cili mori përsipër një penallti të akorduar nga VAR dhe lojtari i PSG-së e realizon në gol.
Para se të mbaronte pjesa e parë, Argjentina shënoi edhe dy herë por VAR dhe gjyqtari anësor akorduan pozicione të parregullta.
Pjesa e dytë ishte e Arabisë Saudite, pasi në minutën e 48-të ata barazojnë shifrat me anë të Al Shehri.
Pak minuta më vonë ndodh mrekullia, ku në të 53-të Al Daësari lëshon një predhë nga distanca duke përmbysur rezultatin nga 1-0 në 1-2.
