Një aksident tragjik me pasojë vdekjen e një 39-vjeçari ka ndodhur këtë mbrëmje në Shijak.
39-vjeçari me iniciale A.M. nga Fieri humbi jetën pasi u përplas kokë më kokë me një makinë tjetër elektrike “Go Kart” në pistën e “Arena Karting Albania 3”.
Ata kishin shkuar për tu argëtuar, por mesa duket mungesa e sigurisë i ka marrë jetën njërit prej tyre.
“Në fshatin Pjesës, Shijak, tek Arena Kartin Albania 3, gjatë garave me mjete sportive, janë përplasur dy automjete.
Si pasojë e përplasjes ka humbur jetën njëri prej drejtuesve shtetasi A. M., 39 vjeç, banues në Fier.”-njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
