Ka nisur në orën 17:30 sfida miqësore mes Shqipërisë dhe Armenisë. Skuadra e drejtuar nga Reja e ka nisur në sulm takimin, madje në minutën e 3-të pretendon për 11-metërsh.
Skuka shpërthen në zonë pas një asisti perfekt të Asllanit, ndërhyrja e një prej mbroktësve bën që ai të rrëzohet në tokë. Gjyqtari bën shenjë që ndeshja të vazhdojë rregullisht.
Por pastaj sinjalizohet në mënyrë të papritur se mund të shohë pamjet me VAR dhe pas vëzhgimit në fund bën të qartë se i qëndron vendimit të parë dhe nuk ka penallti.
Ndërkohë vetë pak minuta më pas Shqipëria ka rastin më të mirë për të kaluar në avantazh. Pas një harkimi nga e djathta, Laçi gjuan me kokë por portieri i armenëve devijon topin i cili më pas ndalet nga shtylla.
