Tre netë më parë në fshatin German të Matit është regjistruar një grabitje, e cila nuk është bërë publike për mediat nga ana e policisë.
Sipas BalkanWeb persona të maskuar kanë hyrë në familjen e shtetasit me iniciale SH.B. dhe kanë grabitur shumë 2 milionë lekë të vjetra duke kërcënuar familjarët.
Ngjarja ka ndodhur rreth mesnatës dhe pavarësisht se familjarët e banesës së grabitur kanë njoftuar komisariatin e Matit, këta të fundit e kanë fshehur ngjarjen.
Familja ku është kryer grabitja është e varfër dhe jetojnë duke u marrë me blegtori. Ata kanë bërë me dije për mediat se paratë e grabitura i kishin të fituara nga shitja e dy viçave.
