Kreu i Partisë së Lirisë, Ilir Meta u ndal te drama e largimit masiv të shqiptarëve nga Atdheu, gjatë një takimi me strukturat e partisë në Lezhë.
Gjatë fjalës së tij, ai ka denoncuar edhe projektet e qeverisë për rrugët, koncensionet apo dhe investimin për Portin e Durrësit, për të cilin akuzoi kryeministrin Rama se synon të pastrojë para.
Meta u shpreh se në këtë vend nuk po përgjysmohen vetëm njerëzit, por dhe bagëtitë.
Ish-kreu i shtetit, teksa përmendi mbylljen e një shkolle dhe kopshti nga qeveria, tha se jemi kthyer në monizëm.
Ai i bëri apel qytetarëve të reagojnë kundër padrejtësive të qeverisë. “Te gjithe ne kembe per te mbrojtur vendin tone dhe familjet tona. Te gjithe ne kembe kunder nje regjimi skizofrenik qe vjedh ne menyre skizofrenike”, tha Meta.
Emigrimi
“Të rinjve që duhet tua heqim nga mendja se largimi nga Lezha e Shqipëria mund tu japë një jetë më të mirë se kjo ide është asgjësuese për të ardhmen e Lezhës e Shqipërisë, për familjet tona shqiptare e kombit. Sot dhe Forbes e rendiste Shqipërinë si vendin e tretë në botë sa i takon të larguarve nga vendlindja, si një vend që ka lënë pas Sirinë, Afganistanin e që janë në gjendje lufte. Shkaqet këtu ishin e janë të qarta pasiguria e madhe për të ardhmen e korrupsioni i jashtëzakonshëm e mungesa e mundësive për të rinjtë për të pasur një jetë të garantuar me dinjitet me paga që garantojnë dinjitet në shoqëri e mundësi për të ndërtuar të ardhmen. Ndaj është koha për të bërë gjithcka që ti japim fund këtij regjimi shpesëvrasës që quhet Rilindje, këtë e kanë të qartë dhe socialistët e ndershëm e të mashtruar pasi e para gjë që bëri Rilindja ishte uzurpimi i PS e tjetërsimi i saj. E ka braktisur qëllimisht bujqësinë e blegtorinë, kjo është një nga arsyet kryesore të shpopullimit të vendit tonë. Kur bëhet fjalë për të përfituar nga projektet e BE në vend të përfitojnë fermerët, nuk i fitojnë këta por ata që janë të shitur tek inceneratorët. Në këtë vend nuk po përgjysmohen vetëm njerëzit por dhe bagëtitë. Ndaj ikin shqiptarët nga mungesa e mbështetjes e perspektivës. Nuk rriten pagat, ikin dhe ata që janë me paga të ulëta”, deklaroi Meta.
“Pastrim parash te projekti i Portit të Durrësit”
“Nuk rriten pagat se rriten PPP-të, mjeti më gjakpirës ndaj këtij populli që ka instaluar Rilindja. Vetë Ministria e Financave thoshte pak ditë me pare që nga kontratat me PPP nuk kemi arritur të monitorojmë dot te gjitha, merren lekët e qytetarëve e askush nuk jep garanci që kthehen në shërbim për qytetarin. Projekt buxheti është përgjigja më e gabuar ndaj krizës që mund të japë një qeveri. Qeveria në vend të rrisë pagat e pensionet, ndihmën ekonomike, shton dhe 1 miliardë euro të tjera pagesa për 7 koncensione të reja. Para pak ditësh, një kompani merr një segment Lekaj-Fier, 44 km për të bërë zgjerim, e gjitha është vetëm zgjerim traseja është aty, shpronësimet janë bërë, 2-3 km rruge vetëm jane te reja, e kjo shkon 360 milion euro shkon pa tvsh. Ja këtu i con lekët Rilindja e kjo bëhet vetëm me një kompani se ajo është kom[ani e përzgjedhur nga Edi Rama jo thjesht për të bërë një rrugë por për t’u marrë lekët shqiptarëve në këto forma e për t’i përdorur për qëllimet e tij e për t’i pastruar më pas te porti i Durrësit e në projekte të tjera si ky”, shtoi ai.
