Aktorja e famshme Denise Richards është përballur me një situatë të tmerrshme teksa së bashku me bashkëshortin e saj, Aaron Phypers, u gjendën në mes të të shtënave me armë.
Aktorja po shkonte në një studio filmike me bashkëshortin e saj, i cili kishte ngadalësuar për të parkuar, kur një shofer pas tyre hapi zjarr. Megjithëse Phypers i la të kalonin, shoferi qëlloi në pjesën e pasme të kamionit të tyre në anën e shoferit.
Fatmirësisht asnjëri prej tyre nuk u lëndua. Një burim tha për People se aktorja ishte e tronditur nga ngjarja.
