Deputeti demokrat Luçiano Boçi u shpreh vonesa e SPAK në hetimet për inceneratorët është duke sjellë pikëpyetje në publik.
Në emisionin “Ora e Betit” në RTV Ora, ai tha se po të shohim se niveli i arrestimeve është i po njëlloj si me tenderin e uniformave dhe lihen jashtë ata që e kanë kompozuar këtë skemë korruptive.
“Kjo vonesë në rezultatet e hetimeve vë shumë pikëpyetje në publik sepse denoncimet kanë qenë të vazhdueshme. Ne kemi pasur një komisioni hetimor nga PD-ja që kanë shkuar drejt hetimeve, por SPAK nuk ka avancuar drejt hetimeve të këtij komisioni. Ndërkohë që po të shohim se niveli i arrestimeve është i po njëlloj si me tenderin e uniformave dhe lihen jashtë ata që e kanë kompozuar këtë skemë korruptive dhe njëkohësisht e kanë financuar. Jemi para një situate zgjedhur dhe mazhoranca do të shpëtojë bashkitë, sepse janë të implikuar në aferën e incineratorëve bashkitë kryesore”, tha Boçi.
