Shtetasit T. R., 34 vjeç dhe Xh. Z., 28 vjeç, banues në Elbasan, janë proceduar në gjendje të lirë nga policia këtë të Martë.
Uniformat blu bëjnë me dije se gjatë kontrollit fizik, këtyre dy shtetasve u janë gjetur sasi të vogla të lëndëve të dyshuara narkotike kokainë, heroinë dhe kanabis.
“Specialistët e Seksionit për Hetimin e Trafiqeve të Paligjshme dhe Narkotikëve të DVP Elbasan referuan materialet në prokurori, për veprën penale “Prodhimi dhe shitja e narkotikëve”, dhe nisi procedimi në gjendje të lirë për shtetasit T. R., 34 vjeç dhe Xh. Z., 28 vjeç, banues në Elbasan, pasi gjatë kontrollit fizik, shërbimet e Policisë iu kanë gjetur dhe sekuestruar sasi të vogla të lëndëve të dyshuara narkotike kokainë, heroinë dhe kanabis”, njofton policia.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
