Presidenti i Partizanit, Gazment Demi, më në fund mund të shohë skuadrën e tij në një impiant ku nuk duhet të paguajë një ekip tjetër. Ai shpjegoi para sfidës se ky ishte vetëm hapi i parë, pasi pritej përfundimi i plotë i kompleksit, duke uruar që të festohet aty një titull kampion.
“Kjo ka qenë ëndërr dikur, ëndrra ka ikur, jemi në përfundim të projektit. Shpresojmë se do të shkojë diçka mirë, shpresojmë të ecin mirë të tjerat.
Kërkesat ia kam dhënë vetes, nuk është se kam patur ndonjë kërkesë të madhe. Me ndihmën e dashamirësve kemi bërë këtë që është bërë deri tani, shpresojmë të mbarojmë kompleksin përfundimisht.
Mendoj se tifozët do të mësohen me distancën. Partizani është emër i madh, do të jetë ndeshja e parë kjo, një ndeshje e shpejtë. Menduam të mos vonohemi duke shpenzuar para, shpresoj të mësohen se nuk është edhe aq larg, 4,5 km nga qendra e Tiranës.
Shpresojmë të jemi më të qenë të në fushën tonë dhe stadiumi të na sjellë një krenari e sukses në të ardhmen.
Shpresojmë shumë që ta kthejmë titullin në këtë stadium, shpresojmë të bëjmë mirë e të na ecë fati”, theksoi për “Oversport” presidenti Demi.
