Partizani ka tashmë stadiumin e tij ku do të luajë ndeshjet si pritës në aktivitetet kombëtare. Një lajm i mirë për të kuqtë, por edhe për vetë tifozët e kësaj skuadre, të mësuar që të shtegtojnë nga një stadium në tjetrin.
Tani ata kanë strehën e tyre të zakonshme dhe të shumtë në numër nuk kanë munguar sot në ndeshjen e parë të të kuqve në këtë impiant, përballë Bylisit.
“Ultras Guerrils” kanë gjetur menjëherë këndin e tyre në tribunën ballore dhe aty kanë përshëndetur për herë të parë me skuadrën, në momentin kur kjo e fundit ka hyrë në impiant për të bërë nxemjen para duelit me ballshiotët./Panoramasport
