Kreu i Partisë së Lirisë, Ilir Meta, ka ndarë me ndjekësit në Facebook pjesë nga fjalimi i tij gjatë protestës së mbajtur në Bulevardin Dëshmorët e Kombit ditën e shtunë.
Krahas videos, Meta shkruan se prindërit e keqpaguar nuk do të ndihen më fajtor përpara fëmijëve se nuk mund të përmbushin detyrimet e tyre për t’i shkolluar.
“Kurrë më nuk do të lejojmë që prindërit e grabitur, të papunë e të keqpaguar për shkak të Qeverisë hajdute të Edi Ramës, të ndihen fajtorë pa faj përpara fëmijëve të tyre, sepse nuk kanë mundësi t’u përmbushin nevojat më minimale për shkollim dhe fëmijërinë e tyre të shëndetshme”, shkruan Meta.
