Teksa qytetarët të shumtë protestojnë në sheshin para kryeministrisë, bordi i krijuar me vendim qeverise për caktimin e çmimit të karburanteve, ka vendosur uljen e lehtë të çmimit të benzinës dhe naftës.
Kështu, sipas vendimit të bordit, 1 litër naftë do të tregohet me 223 lekë/litri nga 227 lekë për litër që është aktualisht.
Ndërsa benzina do të shitet në pompa me 209 lekë/litri nga 210 lekë për litër që është aktualisht.
Mbetet i pandryshuar në 74 lekë/litër çmimi i gazit.
Në protestën e sotme, çmimi i lartë i karburanteve u përmend nga qytetarë, si një ndër shkaqet e pjesëmarrjes së tyre në tubim.
