Arma e parë me lazer, e cila një ditë mund të përdoret për të asgjësuar avionët luftarakë, anije luftarake dhe raketa hipersonike është përdorur për herë të parë nga ushtria e Britanisë së Madhe.
Ashtu si në skenat e filmit fantastiko-shkencor Star Wars, prototipi i ri i “DragonFire” që i ka kushtuar Britanisë 100 milionë paund ishte në gjendje të shkatërronte një dron nga më shumë se dy milje larg.
Platforma e armëve, për të cilën krerët ushtarakë thonë se do të revolucionarizojë fushën e betejës të së ardhmes, nuk kërkon asnjë municion.
Në vend të kësaj, ajo përdor rrezen e padukshme 50 kW për të goditur objektiva të vegjël sa një monedhë 1 £ që mund të udhëtojnë me shpejtësinë e zërit.
Projektuesit e “DragonFire” thonë se sistemet e armëve të teknologjisë së lartë krenohen me ‘saktësinë në pikën e duhur.
Armët e sofistikuaraqëlluan me fuqi të plotë për herë të parë javën e kaluar, gjatë një testi në poligonin Porton Doën të Ministrisë së Mbrojtjes në Uiltshair.
“DragonFire” përdori pasqyrat e vetë dhe lazerët me fuqi të lartë për të përqendruar nxehtësinë në një pikë, duke bërë që një dron kuadrkopter të shpërthejë në flakë. Edhe pse testi u përshëndet me sukses, DragonFire është ende shumë larg për t’u përdorur zyrtarisht në ushtri.
Për shkak të energjisë së nevojshme për ta fuqizuar atë, pritet të vendoset në anije luftarake të Marinës Mbretërore, ose të përdoret si platformë e përhershme e mbrojtjes ajrore të stacionuar në tokë.
Megjithatë, ka ambicie që sistemi të vendoset në automjete të blinduara për Ushtrinë Britanike.
Teknologjia një ditë mund të përdoret për të fundosur varkat dhe për të dëmtuar anijet luftarake, për të rrëzuar avionë luftarakë ushtarakë dhe madje për të shkatërruar raketat vdekjeprurëse hipersonike ruse, të cilat janë aq të shpejta sa mund të udhëtojnë nga Moska në Londër në nëntë minuta.
Megjithatë, burimet e mbrojtjes i kanë thënë MailOnline se sistemi i armëve ka shumë të ngjarë të përdoret në një ‘rol të mbrojtjes ajrore’ dhe të përshtatet në flotën 6 miliardë paund prej gjashtë destrojerëve të tipit 45 – të cilët aktualisht janë duke kaluar nëpër përmirësime në sistemet e tyre të energjisë.