E ftuar në emisionin #DritaremeRudinën, deputetja e PS, Klotilda Ferhati, tha se në provat që Prokuroria i cilësonte si sekrete, nuk kishte përgjime që të implikonin Tahirin.
“Në provat sekrete që kishte Prokuroria e Krimeve të Rënda dhe për të cilat mbylli dyert e seancës, nuk kishte asnjë përgjim, asnjë situatë që të implikonin Tahirin.
Kishte diskutime të personave të tretë, që kanë qenë në hetim, të cilët përmendnin emrin e Tahirit. Ato që u thanë në Këshillin e Rregulloreve, nuk duhet të ishin sekrete dhe do ta shihni kur të bëhen publike se çfarë provash ishin.
Ne morëm angazhimin që do të mbronim sekretet, sepse jemi juristë, por nuk kishte asnjë të tillë, as emra të personave të tjerë në kërkim.
Në seancën sekrete një kolegu demokrat, na citoi faqen 100 të një prove, ne u çuditëm, pasi kërkesa e Prokurorisë kishte 4 faqe, ndërkohë që ai i referohej materialit në medie”, ka thënë Ferhati./Dritare.net
