Presidenti rus Vladimir Putin nuk do të marrë pjesë në samitin e G20 të liderëve botërorë në Bali, javën e ardhshme. Ambasada e Moskës në Indonezi tha se udhëheqësi rus mund të merrte pjesë virtualisht në samit.
Ministri i Jashtëm rus Sergej Lavrov do të udhëheqë delegacionin rus në samitin, i cili është mbledhja e parë e liderëve të ekonomive më të mëdha në botë që kur Putin filloi luftën e tij në Ukrainë.
Samiti i G20, i cili mbledh së bashku liderët e 19 vendeve dhe Bashkimit Evropian, pritet të diskutojë pasojat e luftës në Ukrainë, e cila ka nxitur mungesat globale të ushqimit dhe karburantit.
Indonezia, mikpritëse e samitit, ka refuzuar thirrjet e vendeve perëndimore dhe Ukrainës për të përjashtuar Rusinë, duke u zotuar të ruajë neutralitetin dhe të nxjerrë në pah potencialin për bashkëpunim në sigurinë ushqimore dhe energjetike.
