Studentët paraditen e sotme kanë zhvilluar një protestë dhe kanë kërkuar mbështetje nga qeveria dhe Ministria e Arsimit.
Gjatë deklaratës për mediat, një prej studentëve tha se me këtë rritje të madhe çmimesh është e papërballueshme jetesa për të rinjtë që studiojnë në Tiranë. Sipas tij, qeveria shqiptare duhet të ofrojë mbështetje 100 euro/muaj për studentët.
“Është përgjysmuar tarifa. Sipas qeverisë me 100 mijë lekë ulje nga tarifa studentët mund ti përballojnë kosto? Por çmimet minimale janë rritur dhe kjo ndikon tek të gjithë studentët. Dëgjojmë shumë deklarata se duan që rinia të qëndrojë, por kjo qeveri kërkon që rinia të ikë, sepse nuk po i mbështesin as me një shumë 100 euro. Jep çdo koncensione me mln euro”, tha fillimisht studenti.
Sa i përket hapit të radhës, studenti tha se do të diskutohet mes tyre dhe se do të merret një vendim nëse do të organizohet një protestë të madhe.
“I kemi propozuar pedagogëve të dalim në një kauzë të përbashkët të dalim përpara Kryeministrisë, dhe nuk kemi pasur përgjigje. Ne jemi të rinj dimë vetëm revoltën dhe të jo të bëjmë bisedime”, tha një tjetër student.
