Ish-presidenti i Serbisë, Boris Tadiç, ka thënë se pret që në fund të këtij muaji ose në fillim të dhjetorit të arrihet një marrëveshje në mes të Kosovës dhe Serbisë.
Tadiç ka thënë se Vuçiç një marrëveshje të tillë do ta shesë sikur fitore, megjithatë sipas ish-kreut të shtetit serb, një marrëveshje e tillë “do të kërcënonte interesat serbe” në Kosovë.
“Së shpejti do të shohim se çfarë dronësh, çfarë avionësh ‘Mi’g, largimi i serbëve nga institucionet dhe i gjithë ky dramatizim, do ta shohim për çka ishte e tëra. Në fund të këtij muaji ose në fillim të muajit të ardhshëm pres një marrëveshje që do të paraqitet sikur të ishte fitore, por që në fakt automatikisht do të kërcënojë dramatikisht interesat tona legjitime në Kosovë”, shkroi ai në Twitter.
Pretendimet e ish-Presidentit serb vijnë në një kohë kur tensionet në Veri janë rritur pas këmbënguljes së Albin Kurtit për të vazhduar aplikimin e vendimit për targat në tre faza që pritet të zgjasin 10 muaj.
Situata mori tonet e një konflikti edhe pas nxitimit të Listës Serbe për të dorëzuar 10 mandatet e deputetëve që zotëron në Kuvendin e Kosovës, por edhe dorëzimit të uniformave nga policët serbë në Veri.
Uskoro ćemo videti čemu dronovi, MIGovi, napuštanje institucija i cela ova dramatizacija.
Na kraju ovog ili početkom sledećeg meseca očekujem sporazum koji će biti predstavljen kao pobeda, a koji će ustvari dramatično ugroziti naše legitimne interese na Kosovu.#PraviUgao pic.twitter.com/5Y7olYMrgZ— Boris Tadić (@BorisTadic58) November 8, 2022
