Aksidentohet në gjendje të rëndë punëtori i një guroreje.
Ngjarja ka ndodhur në guroren e fshatit Vodicë. Mësohet se i dëmtuari ka plagë të rënda dhe po transportohet me urgjencë drejt spitalit të Korçës. Të plagosurin mësohet se e ka zënë poshtë transportieri gjatë punës.
“Rreth orës 10:20, në fshatin Vodicë, Kolonjë, gjatë punës në gurore, është dëmtuar nga një mjet transportier, punëtori L. D., 43 vjeç, banues në Ersekë, i cili u transportua për ndihmë mjekësore në spitalin e Korçës”, njofton policia e Korçës.
Grupi hetimor po punon për sqarimin e rrethanave të ngjarjes.
