Kreu i SPAK, Arben Kraja, në simpozium me tematikë :“Krimi i organizuar ndrëkombëtar, sistemi i luftës kundër mafias dhe bashkëpunimi gjyqësor” që po mbahet paraditen e sotme në Tiranë, ka deklaruar se krimi shqiptar është i shtrirë nga Amerika Latine deri në Dubai.
Simpoziumi po mbahet në Pallatin e Kongreseve në kuadër të 30 vjetorit të krijimit të Direzione Nacionale Antimafia (DNA) dhe në funksion të bashkëpunimit në rritje ndërmjet Strukturës së Posaçme Kundër Korrupsionit dhe Krimit të Organizuar (SPAK) me Direzione Nacionale Antimafia e Antiterrorismo (DNA).
Në këtë aktivitet janë të pranishëm edhe Prokurori Kombëtar i DNA, zotit Giovanni Melillo, Drejtuesit të Prokurorisë Romë, Drejtuesit të Prokurorisë Bari dhe Sandër Simoni, gjyqtar në Gjykatën e Lartë e Shqipërisë.
Në konferencën më Drejtorinë Kombëtare italiane Antimafia dhe kundër Terrorizmit, Kraja nënvizoi se me këtë shtet kanë 18 skuadra të përbashkëta hetimore.
“Ne duhet të flasim me punë konkrete, duhet të themi çfarë kemi bërë dhe çfarë kemi arritur dhe çfarë duhet të bëjmë më tepër. E menduam takimin ndryshe që të ftojmë studentë të drejtësisë, kandidatë për prokurorë, që ti japim mundësi që të flasin edhe ata. Me rëndësi është që të shohim se çfarë duhet të diskutojmë”, tha ai.
Ai theksoi gjithashtu se grupet kriminale janë bërë shumë të egra.
“Grupet kriminale kanë ndryshuar aktivitetin kohët e fundit. Kanë shtrire aktivitetin në vendet ku prodhohet droga, ku tregtohet madje edhe në Dubai. Gjithashtu grupet kriminale janë bërë shumë të egër”, është shprehur Kraja.
