Lajmi se moderatorja Arbana Osmani dhe trashëgimtarja e Top Channel Lori Hoxha kanë prishur miqësinë bëri xhiron e rrjetit.
Së fundmi, moderatorja Arbana Osmani, e ftuar në një rrëfim në “E diell”, tregoi se në momentin kur mori vesh se në BBV do të përfshihej Lori, ia la asaj në dorë një pjesë të madhe të punës, duke marrë parasysh edhe ambicien e trashëgimtares së Top Channel dhe dëshirën që ajo kishte për ta çuar përpara këtë projekt.
Arbana sqaroi se Lori që pas përfundimit të “BBV”, i ka kërkuar që ta prezantojë ajo çdo “Big Brother”.
“Nëse unë kam një marrëdhënia të cilën e di se si e kam, nuk kam pse përgënjeshtroj asnjë lajm. Nuk kam nevojë të postoj për të treguar se jemi miq. Në lidhje me lajmet që ka pasur për krisjen me Lorin, që kur mbaroi Big Brother, mua Lori më ka thënë që çdo Big brother do e kemi bashkë, ndaj s’kam pasur përse të flas lidhur me këtë. Ne i kemi patur gjërat e qarta dhe në këtë kuptim nuk më kanë ndikuar ato që janë shkruar”, tha Arbana.
