Eurodeputeti austriak, Lukas Mandl ka reaguar pas situatës së krijuar në veri të Kosovës, ku serbët u larguan nga institucionet.
Mandl, përmes një postimi në Twitter, pyet presidentin serb, Aleksandër Vuçiq, se pse Serbia nuk tërhiqet nga lidhjet me Rusinë. Ai po ashtu pyet se pse vazhdimisht Serbia kërcënon Kosovën.
“Pse gjithmonë përshkallëzim, shkatërrim, #Vuçiq ? Pse Serbia nuk tërhiqet nga të gjitha lidhjet me Putin-Rusi? Pse kërcënoni fqinjin tuaj herë pas here? A nuk keni absolutisht asnjë kuptim për leksionet që mëson historia?”- shkruan ai.
