Orges Shehi do të braktisë Tiranën. Ama vetëm për disa ditë. Trajneri i bardhebluve pas ndeshjes me Vllazninë, duke përfituar edhe nga ndërprerja e kampionatit, do të bëjë një udhëtim në Amerikë.
Gjithsesi, nuk ka asgjë për t’u shqetësuar. Trajneri do të kthehet pas disa ditësh për të vazhduar përgatitjet për rinisjen e sezonit pas Botërorit.
Deri në kthimin e Shehit, drejtimin e skuadrës do ta bëjnë ndihmësit e tij, Karapici, Jani dhe Osmani. Orges Shehi ka marrë skuadrën më 27 janar 2021 dhe deri tani kanë gati 80 takime në krye të bardhebluve, duke i sjellë Tiranës titullin e 26-të kampion të Shqipërisë.
