Ish-Kryeministri Sali Berisha, ka zhvilluar ditën e sotme një bashkëbisedim me qytetarët nëpërmjet pyetjeve në rrjetet sociale.
I pyetur nga të rinjtë se si do të përballojnë koston e lartë të banesave, Berisha thotë do të ketë politika inkurajuese dhe subvencion të fuqishëm për të rinjtë.
-Si të përballojmë kostot e banesave?
Berisha: Politikat do jenë absolutisht inkurajuese, së pari do përdoret sistemi i kreditimit për banesa me interesa më të ulëta do e paguajë qeveria. Së dyti do financohen bizneset e tyre, start up-et e tyre. Së treti do vendoset subvencionim i fuqishëm për të rinjtë, siç ndodh në botë. Neveri e vërtetë si pengohen sot të rinjtë të angazhohen në kërkimin shkencor. Do bëjmë çmos të ndërtojnë ëndrrat e tyre këtu.
