Kryeministri Edi Rama i quan furtunë të kazanit politik dhe mediatik atë që ai e quan sulm ndaj Policisë së Shtetit, që sipas kreut të qeverisë, është sulmuar më së shumti në 4 vitet e fundit. Rama pranoi se krimi ka arritur të korruptojë punonjës policie.
Rama: Është e qartë që krimi ka arritur të korruptojë punonjës policie dhe unë i përshëndes dhe i inkurajoj masat radikale. Nëse sot policia zbulon parcelë me kanabis në Rinas, i gjithë zinxhiri aty duhet të shkarkohet nga policia.
Sepse është e pamundur të justifikohet një prani e tillë në një fazë finale operacioni ku një muaj janë zgjatur fluturimet sepse partnerët ndërkombëtar nuk arrinin të bindeshin për çrrënjosjen e kanabisit. Ishte një teori që ndoshta duhet ta shtymë edhe për tetorin.
