Mediat italiane kanë shkruajtur për tragjedinë që i ndodhi familjes shqiptare nga Durrësi e cila jetonte prej vitesh në Itali.
Çifti i bashkëshortëve, Ardian dhe Anjeza Hyseni humbë tre fëmijët e tyre dhe nipin e mitur vetëm 2 vjeçar.
Viktimat janë ende në një dhomë në morgun Coviolo. Aty prehen Shane, 22 vjeçe, me djalin Mattias, 2 vjeç, djali i vogël Resati, 11 vjeç dhe Rejana, 8 vjeçe.
Ata humbën jetën në aksidentin e frikshëm mbrëmjen e 30 Tetorit, kur makina që drejtohej nga bashkëshorti i 22-vjeçares, Orjol Lame, doli nga rruga dhe u përplas me një shtëpi të pabanuar. I vetmi i mbijetuar nga kjo tragjedi është Lame, i cili ndodhet në gjendje kritike në spital.
Britmat prekëse të Anjeza Hysenit, nënës së tre fëmijëve që janë dëgjuar në të gjithë shtëpinë mortore ku ndodhen trupat e tyre shkruajnë mediat italiane.
Sipas mediave vendase, ulërimat e njeriut që ka humbur tre fëmijët dhe nipin e saj tregon një dhimbje që nuk mund të imagjinohet.
Jashtë shtëpisë së funeralit, anëtarët e familjes të mbledhur pranë Anjezës qajnë me ngashërim dhe mundohet ta mbështesin në përpjekje për ta qetësuar dhe ngushëlluar.
“Nuk jetoj më kështu…”, -dëgjohet të bërtasë nëna e dëshpëruar.
Deri dy ditë më parë ajo ishte e shtruar në spitalin e Parmës pasi kishte pësuar një tronditje sapo mori vesh lajmin dhe shkoi në vendngjarje. Dje në mëngjes ajo donte me çdo kusht të ishte aty, për të përqafuar edhe një herë të vegjlit e saj por nga dëshpërimi ajo nuk mund të qëndronte në këmbë dhe herë pas here humbiste ndjenjat.
Të afërmit e marrin atë disa herë me makinë, por Anjeza nuk ka qetësi pasi në një moment të befasishëm ajo zbret nga makina dhe vrapon në një nga rrugët e brendshme të varrezave, duke u hedhur mbi një makinë.
Familjarët e ndjekin, përpiqen ta qetësojnë dhe e çojnë të ulet derisa ka qenë e nevojshme ndërhyrja e një ambulance me personelin shëndetësor që duhet t’i jepte gruas qetësues. Një zi e tmerrshme, e pamundur të zbutet pas një humbje kaq të tmerrshme.
Trupat do të qëndrojnë në Coviolo deri në nisjen e tyre për në Durrës, Shqipëri, vendlindja e familjes, ku varrimi do të bëhet me rit islam. Do të duhen edhe disa ditë për të përfunduar dokumentacionin, por fluturimi për riatdhesim, me ndihmën e ambasadës shqiptare, pritet mes mbrëmjes së sotme dhe nesërme. Deri në atë kohë trupat e Shane, Mattias, Resat dhe Rejanës do të jenë nën mbikëqyrjen e familjes.
