Liverpuli ka mundur me rezultatin 2-0 Napolin në ndeshjen e fundit në grup në Ligën e Kampioneve. Por kjo nuk i ka mundësuar skuadrës angleze që të sigurojë vendin e parë në grup, i cili u ka shkuar italianëve.
Liverpulit i duhej një fitore me 4 gola diferencë për të siguruar një vazo më të favorshme për fazën me eliminim direkt. Por skuadra e Klopp nuk ia ka dalë të mposhte mbrojtjen e Napolit si dhe ka rrezikuar vetë disa herë që të pësojë gol. Rrjeta u tund vetëm në minutat e fundit të sfidës, kur Salah ia doli shënonte pas zhvillimit të një goditje nga këndi në minutën e 86 dhe pastaj Nunjez dyfishoi shifrat në minutën e 98.
Ndërkaq, Ajax ka shënuar 3 herë ndaj Rangers në fushën e këtij të fundit në ndeshjen tjetër në grup, i sigurt që para sfidës së do të shkonte në Ligën e Europës për të vazhduar rrugëtimin europian.
Situata më e pasigurtë ishte në grupin D, ku të katër skuadrat kishin shanse reale për të kaluar dhe në fund Eintracht dhe Tottenham shkuan më tej.
Sporting priti në shtëpi ndaj Eintracht nga Frankfurti 1-0, por skuadra gjermane bëri përmbysjen e madhe në vazhdim dhe me fitoren 2-1 arriti sukses fenomenal në paraqitjen e parë në elitën e futbollit europian.
Marseja gjithashtu kaloi e para në avantazh ndaj Tottenhamit 1-0 dhe ishte në prag të kalimit, por skuadra londineze e ktheu ndeshjen në pjesën e dytë dhe i çoi Spursat në 16 skuadrat më të mira të Kontinentit të Vjetër.
Rezultatet:
