Melike Gun Kanavuzlar, 15 vjeç, vdiq pasi u rrëzua nga çatia e një ndërtese katërkatëshe, teksa u përpoq të kapë telefonin që i ra gjatë një selfie.
Ngjarja e rëndë ka ndodhur në qytetin Ortaca në Mugla të Turqisë dhe është filmuar nga kamerat e sigurisë nga ndërtesat fqinje në zonë.
Ambulanca dhe policia shkuan në vendngjarje dhe adoleshentja u dërgua në një spital shtetëror në gjendje kritike, sipas raporteve lokale. 15-vjeçarja më pas u transferua në një njësi të kujdesit intensiv në qytetin Mugla në Turqinë jugperëndimore, ku luftoi për jetën e saj për 18 ditë para se të vdiste.
