“Me çdo kusht”. Shtypi spanjoll, konkretisht portali ‘DonDiario.com’, nuk ka dyshime për synimet e Juventus-it për Marco Asensio, lojtarin të cilit i skadon kontrata në qershor dhe tashmë është jashtë planeve teknike të Carlo Ancelotti-t.
Pas një shtyrjeje për rinovimin e kontratës, e dëshiruar fillimisht nga lojtari, por jo nga klubi, më pas i mbështetur nga Florentino Perez për të shmangur një largim me kosto zero verën e ardhshme, situata është kristalizuar.
Lojtari, pjesërisht me vullnetin e trajnerit, pjesërisht me ‘diktat’ pak a shumë të qarta nga Perez, pothuajse nuk luan kurrë. Një mënyrë për të bindur vetë Asensio që të gjejë një ekip që i garanton Realit një kompensim ekonomik. E përkthyer: fantazisti duhet të gjejë një zgjidhje në merkaton e janarit. Juventus po e pret.
Me vetëm 217′ në fushë në 2 ndeshje të La Liga-s, në të cilat shënoi dy gola dhe dha dy asist, Asensio po përgatitet t’i thotë lamtumirë Casa Blanca-s.
Në pamundësi të dukshme për të përfituar shumën e kërkuar prej 30 milionë eurosh nga kartoni i tij, merengues mund të kënaqeshin me një shkëmbim me klubin torinez.
Që në janar, Asensio mund të ndërrojë fanellën me Alex Sandro, kontrata e të cilit skadon gjithashtu në qershor: një profil i vlerësuar nga trajneri Ancelotti, i cili kërkon alternativa në krahun e majtë.
Një mundësi kjo që do të shuante ëndrrat e Milani-t, që në verë e ka kërkuar me ngulm lojtarin dhe që tani do të duhet t’i drejtohet objektivave të tjerë.
