Kanë dalë pamjet nga vendi ku u vra Briken Sanaj te Kodra e Diellit në Tiranë.
Në foto shihet një pemë ulliri, ku dyshohet se është fshehur autori i krimit i cili i ka bërë pritë Briken Sanajt.
Pasi e qëlloi me 3 plumba kallashnikovi, autori zbriti sërish nga po e njëjta rrugë e për t’u larguar më pas drejt autostradës.
Mbrëmjen e djeshme Sanaj, mbërriti në rezidencë nën shoqërinë e dy miqve të tij. Sapo parkoi makinën në garazh, autori i cili e priste i fshehur mes një peme ulliri, e qëlloi për vdekje me tre plumba në fytyrë, gjoks e në shpatull.
Në spital, ai u dërgua i pajetë nga dy miqtë e tij me një mjet Audi. Nga verifikimet rezultoi se autori mbante një çantë shpine ku kishte fshehur armën. Ai ka hyrë nga pjesa e pasme e rezidencës, duke kapërcyer telin me gjemba. Ka qëlluar objektivin nga një distancë rreth 30 metra. Rezulton se autori ishte fshehur pas një ulliri dhe kishte fushëpamje të qartë me garazhin ku 39 vjeçari parkonte makinën.
