Kreu i Partisë Demokratike, Sali Berisha deklaroi sot nga selia blu se personat e akuzuar për inceneratorët kanë nisur presionet për t’u liruar nga akuzat.
“Për largimin përfundimtar nga çdo funksion të Edi Ramës i cili me aktet e tij anti ligjore dhe anti kushtetuese është sot simboli më i nxirë i pushtetarit abuziv që nuk njeh normë, standard moral apo kushtetues kur vjen puna për pasurimin e tij, luksin e tij dhe pushtet e tij.
Ai është sot kryeministri i vetëm në Europë dhe botë që krijon sipërmarrje personale me 420 mln euro të habitura taksapaguesve shqiptarë sipas kontratave që ka firmosur në kundërshtim me ligjet e vendit për djegësat.
Sipërmarrja e djegësave Tiranë, Fier dhe Elbasan është e vetmja në Europë me imunitet të plotë ku formalisht shpallen në kërkim menaxherë dhe administrator të kësaj ndërmarrje, por faktikisht edhe pse të gjitha objekte krimi nuk konfiskohet asnjë. Ata lëvizin të lirë dhe kanë filluar presionin për t’u liruar nga akuzat.
Ata marrin çdo javë qindra mijëra euro. Drejtësia ndaj këtij akti madhor kriminal, po shpërbëhet. Ajo është faktuar tërësisht si SKAPI i partisë. Pasdi doli me urdhër të qeverisë, Alqi Bllako tani janë ushtarët e tjerë të kësaj sipërmarrje, Gugalja, Zoto dhe Mërtiri ata të cilët i kërkojnë Edi Ramës çlirimin nga akuzat.”- tha Berisha.
