Kërkesa që i ishte bërë disa herë lidhur me shtyerjen e afatit për targat, me gjasë iu rikujtua edhe me anë të kësaj vizite të ambasadorit amerikan në Kosovë, Jeff Hovenier.
Kështu kryeministri Albin Kurti, pak orë pas takimit me të, tregoi që Qeveria e Kosovës ka marrë vendim që t’u japë edhe një shans serbëve, për t’i konvertuar targat serbe në RKS.
E qysh pas kumtimit të këtij njoftimi, pati goxha debat dhe reagime në vend.
Deputetja e Kuvendit të Kosovës nga radhët e PDK-së Ariana Musliu-Shoshi po thotë se këtë vendim qeveria është dashur ta mendojë më mirë.
Sipas deputes, qeveria duhet të jetë më e matur në vendimet e saj.
Kurse, Mimoza Gavrani njohëse e çështjeve politike po e vlerëson më ndryshe vendimin qeveritar për sanksionim me tre faza.
Gavrani nënvizon se përkundër vendimeve, aleanca me partnerët duhet të ruhet.
Edhe qytetarët janë të ndarë në mendime sa i përket shtyerjes së vendimit për targat. Disa nga ta insistojnë se në asnjë mënyrë nuk është dashur të shtyhet vendimi.
Ka edhe nga ata që thonë se diplomacia është temë e rëndë, dhe se ky vendim do të kuptohet më vonë.
Ndërkaq, prej dikujt po shihet si gabim katastrofal që parterët janë dëgjuar pjesërisht.
Gjatë ditës së djeshme, sekretari amerikan, Antony Blinken është shprehur i
zhgënjyer me Qeverinë e Kosovës, pasi ajo refuzojë ta respektojë kërkesën e partnerëve ndërkombëtarë për të shtyrë për 10 muaj zbatimin e vendimit për targat.
