Partia e Lirisë ka mbledhur konventën e partisë për të shpalosur programin politik, strategjinë, aksionin, ekipin drejtues dhe mobilizimin kombëtar.
Ilir Meta tha se Veliaj e ka kthyer Tiranën në një kurth betoni dhe stresi, trafiku dhe humbjeje kohe pafund, ku korrupsioni vret shëndetin dhe jetën e fëmijëve, të të moshuarëve dhe gjithë qytetarëve.
Ai shton se treguesit e Tiranës janë katastrofikë dhe përkeqësohen dita- ditës, që nga ndotja e mjedisit, asgjesimi i gjelbërimit, taksat shumë të larta, furnizimi me ujë të pijshëm, shërbimi shëndetësor, trafiku, parkingjet, etj.
“Në këtë përballje nuk jemi të vetëm, por do të kemi me vete, të jeni të sigurt, edhe gjithë socialistët e ndershëm që shohin se si drejtorët e pangopur të Rilindjes mbushin xhepat e tyre dhe i kanë harruar edhe socialistët e ndershëm, që mezi kalojnë muajin me rrogat dhe pensionet e tyre.
Partia e Lirisë dhe opozita e bashkuar e di që ka përballë një regjim totalitar, monist, i cili ka uzurpuar të gjitha pushtetet përveç njërit: pushtetin e lirisë!
Simboli i asgjesimit të pushtetit lokal, i korrupsionit dhe shkatërrimit të qytetit për interesat e errëta siç ishte edhe rasti i shembjes kriminale të Teatrit Kombëtar mbetet Tirana dhe kryetari i bashkisë së saj. Tirana është kthyer në një kurth betoni dhe stresi, trafiku dhe humbjeje kohe pafund, ku korrupsioni vret shëndetin dhe jetën e fëmijëve, të të moshuarëve dhe gjithë qytetarëve.
Treguesit e Tiranës janë katastrofikë dhe përkeqësohen dita- ditës, që nga ndotja e mjedisit, asgjesimi i gjelbërimit, taksat shumë të larta , furnizimi me ujë të pijshëm, shërbimi shëndetësor, trafiku, parkingjet dhe çështjet e tjera.
Ndaj sot më shumë se kurrë, Tirana ka nevojë për ndryshim dhe për fitoren e opozitës dhe të programit të saj për shpëtimin e Tiranës dhe të gjitha bashkive të vendit, për vendosjen e një llogaridhënieje rigoroze dhe për zbardhjen e aferave shumë të rënda korruptive që janë bërë në kurriz të qytetarëve nga kryetarët e bashkive dhe këshillat bashkiakë. Fitorja e opozitës do të mundësojë që qytetarët të marrin nën kontroll, qytetet e tyre.”
