Deputeti i PL-së, Petrit Vasili, ka komentuar marrëveshjen e ditës së sotme Berisha-Meta për zgjedhjet vendore 2023.
I ftuar në emisionin ‘Task Force’, Petrit Vasili tha se Berisha-Meta do të përfaqësojnë shqiptarët dhe marrëveshja është historike pasi përballë kanë një regjim i cili ka kapur të gjitha pushtetet, e për pasojë demokracia e pluralizmi kanë bërë shumë mbrapa.
Vasili: “Investim serioz, dy lider për të cilët komentet janë të tepërta. Qasje shumë serioze, dhe termi i përdorur ‘marrëveshje historike’ është i vetmi rast që s’është i tepruar sepse përballë i gjithë ky formacion opozitar ndodhet përballë një qeverisje që me shumë të drejtë, Berisha e ka marrë shpeshherë këtë argument, ka pushtete më shumë se sa kishte Ramiz Alia.
Demokracia e pluralizmi kanë bërë shumë shumë mbrapa, ndodhet në udhëkryqin e tij më të rrezikshëm. Për këtë, marrëveshja u quajt jo rastësisht historike.”
