Adriatik Budani, 52 vjeç i shpallur në kërkim ndërkombëtar për disa vepra penale të kryera në Itali, është arrestuar nga policia.
Gjykata e Apelit në Itali, e ka dënuar Budanin me 15 vjet burgim, për veprat penale “Pjesëmarrja në organizatë kriminale”, “Trafikimi i lëndëve narkotike” dhe “Emigracion klandestin”, parashikuar nga Kodi Penal italian.
“Në vijim të punës për kapjen e personave të shpallur në kërkim kombëtar dhe ndërkombëtar, nga strukturat e lartpërmendura, falë shkëmbimit të vazhdueshëm të informacioneve me ZQK Interpol Tirana, mbështetur dhe në inteligjencën informative, u finalizua me sukses operacioni i koduar “Poro”. Si rezultat u bë e mundur kapja dhe ndalimi i shtetasit të shpallur në kërkim ndërkombëtar: Adriatik Budani, 52 vjeç, banues në fshatin Fitore, Vlorë”, njofton policia.
Blutë bëjnë me dijse se Interpol Tirana, në bashkëpunim me Interpol Roma, po vijon procedurat për ekstradimin e Budanit drejt Italisë.
