Thirrja u bë qysh në fillim. Mbishkrimeve në Mitrovicën e Veriut për mos-konvertimin e targave në RKS, ju përgjigjen pozitivisht serbët lokal.
Që nga 1 shtatori, vetëm 20 nga iu bindën kërkesës së ekzekutivit në Prishtinë.
Mirëpo kur afati për këtë gjë po përfundon, Qeveria e Kosovës dhe ajo e Serbisë s’kanë arritur ndonjë dakord.
Madje nga Shtetet e Bashkuara të Amerikës u kërkua që të pezullohet vendimi i qeverisë për 10 muaj, por kryeministri i Kosovës mbetet i vendosur.
Kjo s’po u pëlqen shumë serbëve në Veri të Mitrovicës, që kanë këtë porosi për shefin e ekzekutivit.
Deri më 31 tetor, këto targa të cilësuara si ilegale nga qeveria vazhdojnë të qarkullojnë në Kosovë.
Veçse në pikë-kalimet kufitare, ende u vendosen stikerët.
Se a do ketë tensione në veri të Kosovës me 1 nëntor nuk dihet, por KFOR-i është gjithandej në terren i gatshëm për intervenim.
Gjithashtu edhe nga EULEX-i deklaruan se janë 105 policë të tyre duke patrulluar andej dhe se nuk kanë hasur në persona të armatosur që nga 31 korriku.
